<p>https://www.google.com/search?q=%D0%B4%D0%B0%D0%BB%D0%B0%D0%BD%D0%B7%D0%B0%D0%B4%D0%B3%D0%B0%D0%B4+%D0%BB%D0%BE%D0%B3%D0%BE&amp;rlz=1C1GCEA_enMN1152MN1152&amp;oq=%D0%B4%D0%B0%D0%BB%D0%B0%D0%BD%D0%B7%D0%B0%D0%B4%D0%B3%D0%B0%D0%B4+%D0%BB%D0%BE%D0%B3%D0%BE&amp;gs_lcrp=EgZjaHJvbWUyBggAEEUYOTIHCAEQABjvBTIHCAIQABjvBdIBCTc2NTNqMGoxNagCCLACAQ&amp;sourceid=chrome&amp;ie=UTF-8#vhid=icM7cFvC50oPOM&amp;vssid=_KsUIaMeACKWM2roPkoODuAc_42</p> <p>ДАЛАНЗАДГАД СУМЫН БЭЛГЭ ТЭМДЭГ</p> <p>&nbsp;<strong>Гурвалжин:</strong></p> <p>Эртний Монголын гүн ухааны Гурвалын онолын амин сүнс нь гурвалжин хэмжээст суурилсан байдаг бөгөөд гурвалжин дүрс нь хэлбэр дүрсээ өөрчлөхгүй бат бөхийн бэлгэдэл</p> <p><strong>Гурван хөх гурвалжин:</strong></p> <p>Гурвансайхан уулыг илэрхийлэл</p> <p><strong>Ногоон гурвалжин:</strong></p> <p>Мөнх ногоон арц буюу ургамлыг бэлгэдэл</p> <p><strong>Дүүлж байгаа ирвэс:</strong></p> <p>Эрч хүч, хүч чадлыг илэрхийлэхээс гадна хөгжил, дэвшил өөд тэмүүлж байгаа бэлгэдэл</p> <p><strong>Dalanzadgad:</strong></p> <p>Нэрийг англиар бичсэн нь дэлхийд танигдахын бэлгэдэл</p> <p><strong>Гурван зураас:</strong></p> <p>Даланбулагийн илэрхийлэл</p> <p><strong>&nbsp;</strong></p>

<p>Даланзадгад хот нь Өмнөговь аймгийн хөгжлийн үе шат бүхэнтэй хүй нэгэн холбоотойгоор хуучнаар Түшээт хан аймгийн гүний хошуунд Алтайн нурууны үзүүр говийн хангай Гурван сайхан уул Зүүнсайхан уулын бэлд&nbsp;&nbsp;1931 онд байгуулагдаж &ldquo;байсан түүхтэй бөгөөд өдгөө&nbsp;Даланзадгад сум нь хот болон өргөжин тэлээд 60 жилийн түүхийг бүтээгээд байна.</p> <p>Даланзадгад хот нь уул уурхайн салбарыг түшиглэсэн хөгжил их бүтээнбайгуулалт өрнөсөн өдрөөс өдөрт хөгжин дэвшиж буй Өмнөговь аймгийн хөгжлийн төв болж байна. 47,6 мянган га газар нутагтай. Далайн&nbsp;түвшинээс&nbsp;дээш 1300-1600 метрийн дундаж өндөрт оршино. Монгол улсын нийслэл Улаанбаатар хотоос 580 км зайд оршдог.</p> <p>Хүн амын тоогоор Өмнөговь аймгийн 15 сумаас 1-д, газар нутгийн хэмжээгээр 15-д ордог. Хүн амын нягтралаар хамгийн өндөр 2.33 хүн/га сум юм.</p>

<p>Даланзадгад сум нь Өмнөговь аймгийн төвд, Ханхонгор сумын нутаг дэвсгэрт байрладаг. Улаанбаатар хотоос 580 км зайд байрладаг.</p>

<p>Далайн түвшнээс дээш 1470 м өргөгдсөн. Говь цөлийн бүсэд багтах бөгөөд Алтайн нурууны үзүүр Говь гурван сайхан уул Зүүн сайхан уулын бэл Далангийн голд оршдог. Газар хөдлөлийн эрчим 9-10 балл. Сумын нутаг дэвсгэр нь говь буюу хүн амын суурьшлын төв юм.</p>

<p>Бүтээгдэхүүний нэр:</p> <p>1."Говийн өндөр" ХХК-н Гоёоны архи-эрүүл мэндийн бүтээгдэхүүн-даралт тогтворжуулна.</p> <p>2."Өнөд өвлөх урлахуй" ХХК-н Хөмүүлийн багц-хүнсэнд хэрэглэнэ эрүүл мэндийн бүтээгдэхүүн-бамбай булчирхай, даралт ихэсгэж тогтворжуулна.</p> <p>3."Тангад ара" ХХК-н Говь гурван сайхан багц-гурван сайхан уулаас түүхий эдээ бэлтгэдэг, ядаргаа тайлдаг нутгийн иргэдийн хэрэглэж заншсан, эрүүл мэндийн бүтээгдэхүүн</p> <p>4."Говь гоо" ХХК-н Мазаалай саван-гоо сайханы бүтээгдэхүүн&nbsp;</p> <p>5."Хасуд бат" ХХК-н Арьсан бээлий-хөнгөн болон хүнд үйлдвэрт хэргэлдэг бүтээгдэхүүн</p> <p>6."Их говийн төгөл" ХХК-н Эклогийн цэвэр бүтээгдэхүүн-чацарганы шүүс-дархлаа дэмжинэ</p> <p>7."Хатан хармаг" ХХК-н Чонон хармаг-эрүүл мэндийн бүтээгдэхүүн-хавдрын эсрэг үйлчилгээтэй</p> <p>8."Цог ялалт" ХХК-н Хийцтэй цай-хүнсний бүтээгдэхүүн-ядаргаа тайлах&nbsp;</p> <p>&nbsp;</p>

<p>Нийт газар нутгийн хэмжээ 47630.0 га.</p>

<p>Орон нутгийн төсөв.</p> <p>Сумын 2024&nbsp; оны орон нутгийн төсвийн орлого 39324,9 сая төгрөг, улсын төсөвт 168,8&nbsp; сая, аймгийн төсөвт 470,8&nbsp; сая төгрөгийн орлого төвлөрүүлсэн байна.</p> <p>Орон нутгийн нийт төсвийн зардал нь 14723,2&nbsp; сая төгрөг байна. Нийт зардлын 22,8&nbsp; хувь нь цалин, 2,8&nbsp; хувь нь нийгмийн даатгалын шимтгэл, 38,7 хувийг урсгал шилжүүлэг,хөрөнгө оруулалтын зардал, 35,7 хувийг нь бусад зардал эзэлж байна.</p> <p>Эдийн засгийн бүтэц</p> <p>Сумын хэмжээнд тогтвортой үйл ажиллагаа явуулж байгаа 421 аж ахуйн нэгж байгууллагаас улсад 1,2 тэр бум, аймагт 4,2 тэр бум, орон нутагт 0,4 тэрбум, нийт 5,8 тэр бум төгрөгийн татвар төвлөрүүлж байна.</p> <p>&nbsp;</p>

<p>Ерөнхий боловсролын 12 жилийн 4 сургуулийн 5011 хүүхэд өдрөөр суралцаж, албан бус боловсролын бичиг үсгийн боловсрол олгох сургалтанд 10 иргэн, дүйцсэн хөтөлбөрийн сургалтаар 34 иргэн суралцаж байна. Ерөнхий боловсролын сургуульд мэргэжилтэй багшийн хангалт 100 хувь буюу 4 сургуулийн 229 багштай, сумын хэмжээнд 120 хүүхдийн ортой 1 дотуур байр байдаг.</p> <p>Төрийн өмчийн 2, 4, 9, 11, 24 зэрэг 5 цэцэрлэгт 1416 хүүхэд хамрагдаж, сургуулийн өмнөх боловсролыг эзэмшиж байна.</p> <p>Мэргэжлийн сургалт үйлдвэрлэлийн төв нь Даланзадгад сумын Далангийн 3-р багт байршилтай. 70 ажиллагсадтай, 400 суралцагчийн хүчин чадалтай, одоогоор 16 мэргэжлээр 840 суралцагч суралцаж байна. 1963 онд ашиглалтанд орсон тоосгон хийцтэй, зориулалтын барилга. Инженерийн бие даасан хангамжтай. Тус цогцолбор нь Сургуулийн төв байр, Оюутны байр, Оюутолгой ХХК-ийн хөрөнгө оруулалтаар 4 мэргэжлийн дагуу дадлагын сургалтын байр, сурагчдын дотуур байр, Мянганы сорилтын сангийн Боловсролыг дэмжих төслийн хүрээнд 3 мэргэжлийн дагуу дадлагын байр барьж байна.</p> <p>&nbsp;</p>

<p>Мал сүргийн бүтэц&nbsp;</p> <div>Сумын хэмжээнд 50642 толгой малтайгаас 2837 тэмээ, 3552&nbsp; адуу, 1539 үхэр, 13408&nbsp; хонь, 29306&nbsp; ямаа байна.&nbsp;</div> <div>Сүргийн бүтэц хувиар&nbsp;</div> <div>Сумын хэмжээгээр нийт 50642&nbsp; мянган мал тоологдсоноос цэвэр үүлдэр, эрлийз, нутгийн шилмэл омгийн 258 толгой мал тоологдсон нь нийт мал сүргийн 0.5 хувь эзэлж байна. Нийт малтай өрх 365 байгаагаас 299&nbsp; малчин өрх, 66&nbsp; мал бүхий өрх байгаа нь сумын нийт өрхийн 3,2&nbsp; хувийг малчин буюу мал бүхий өрх эзэлж байна.</div>

<p>Сумын хэмжээгээр жилд нийт 76&nbsp; га талбайд төмс, хүнсний ногоо тариалж, нийт 437,96 тн ургац авсан бөгөөд төмс 196,3 тн, бусад хүнсний ногоо 216,56 тн хураан авсан байна.</p>

<p>2024 оны жилийн эцсийн байдлаар 158,4км гэр хорооллын гэрэлтүүлэг, 76,8км автозам, 18,93км дугуйн зам, 74,54км явган замтай болсон байна.</p>

<table border="0" width="53" cellspacing="0" cellpadding="0"> <tbody> <tr> <td class="xl65" width="53" height="20">&nbsp;</td> </tr> </tbody> </table> <p>&ldquo;ДзДЦС&rdquo; ТӨХК нь Хятад улсад үйлдвэрлэсэн UG-27/3.63 М маркийн эргэлдэх ул ширэмтэй 2 зуух, Япон улсад үйлдвэрлэсэн DNG-61-55 маркийн 3 МВт хүчин чадал бүхий 2 турбогенератор, цахилгаан, дулааны хянах хэмжүүр автоматик, хими ус бэлтгэлийн тоноглолууд болон 7 Гкал/ц ийн хүчин чадалтай уур усны хурдны бойлер 2 ширхэг 185 м3/ц ийн бүтээмжтэй сүлжээний эргэлтийн насосны хамтаар баригдаж ашиглалтад орсон. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;</p> <p>&nbsp;</p> <p>2011 оны 12 сард цахилгаан эрчим хүчний хэрэглээний чадлын дутагдлыг хангахын тулд орон нутгийн хөрөнгө оруулалтаар 25 тн/ц уур боловсруулах хүчин чадал бүхий эргэлдэгч буцламтгай үет шаталттай SHX-25-2.5-1 маркийн 1 турбингенератороор өргөтгөх ажил хийгдэж 3 МВт ын станцыг барьж ашиглалтад оруулсан.</p> <p>&nbsp;</p> <p>Өсөн нэмэгдэж буй ДЭХ-ийг ханган ажиллахын тулд станц дээр тоноглолын хүчин чадлыг нэмэгдүүлсэн.</p> <p>2013 онд ОХУ-д үйлдвэрлэгдсэн СЭ-500-70 маркийн 500 м3/ц-ийн 2 иж бүрдэл СЭН, 15.3 МВт буюу 13.2 Гкал/ц-ийн бойлер шинээр суурилуулсан. 21 МВт&nbsp; буюу 18 Гкал/ц-ын хүчин чадал бүхий уур усны хурдны бойлер шинээр суурилуулсан.</p> <p>2018 онд 21 МВт&nbsp; буюу 18 Гкал /ц-ын хүчин чадал бүхий уур усны хурдны бойлер шинээр суурилуулж шинэ суурьшилийн бүсийн хэрэглэгчдийг ДЭХ -ээр хангасан.&nbsp;</p> <p>2019 онд Дулааны шугам сүлжээний 1-р контурын 398 м&nbsp; ф273- ын хос&nbsp; шугамыг ф 426 болгон хүчин чадлыг нэмэгдүүлсэн.</p> <p>Өнөөдрийн байдлаар дулаанжуулалтын тоноглол 44 Гкал/ц болж анхны суурилагдсан хүчин чадлаас 6 дахин нэмэгдсэн.</p> <p>&nbsp;</p> <p>"Даланзадгадын дулааны цахилгаан станц&rdquo; ТӨХК нь Хорооноос олгосон цахилгаан, дулаан үйлдвэрлэх, дулаан түгээх, дулаанаар зохицуулалттай хангах тусгай зөвшөөрлүүдийн хүрээнд үйлдвэрлэсэн цахилгаан эрчим хүчийг Төвийн эрчим хүчний нэгдсэн системд нийлүүлэхийн зэрэгцээ Даланзадгад хотыг 100 хувь &nbsp;дулааны эрчим хүчээр хангадаг.</p> <p>&nbsp;</p> <p>Манай станц нь өвлийн оргил ачаалал буюу халаалтын улиралд 3 зуух 2 турбинтэй ажиллан 10.0-12.0 сая кВт.ц цахилгаан эрчим хүч, 79.0-80.0 мян Гкал ДЭХ-ийг үйлдвэрлэн түгээж жилд дундажаар 48.0-50.0 мянган тонн нүүрсийг үйлдвэрлэлийн үйл ажиллагаанд зарцуулдаг</p>

<p>Сумын төвд цэвэр усны эх үүсвэрийн гүний 5 худаг</p> <p>Хүн амын унд ахуйн 50 цахим ус түгээх байр ажиллаж байна.&nbsp;</p> <p>&nbsp;</p> <p>&nbsp;</p> <p>&nbsp;</p>

<p>Суманд ашиглагдаж байгаа цэвэр, бохир усны шугамын дээд голч ф-100-300 мм, шугам хоолойн урт 21,3 км, хоногт 850 м3 хүчин чадалтай ажиллаж байна. Даланзадгад сумын 3000м3 хүчин чадалтай цэвэрлэх байгууламжийг 2021 онд 100 хувийн гүйцэтгэлээр ашиглалтад орж үйл ажиллагаа хэвийн ажиллаж байна.&nbsp;</p>

<p>2011 онд байгуулагдсан. 100 хувь орон нутгийн өмчит, Даланзадгадын &ldquo;Дулаан хангамж&rdquo; ОНӨҮГазар нь Даланзадгад хотоо дулааны эрчим хүчээр хангадаг.Өдөр тутмын үйл ажиллагаагаа түгээх, хангах гэсэн үндсэн хоёр чиглэлтэй явуулдаг.</p> <p>1.Түгээх үйлчилгээний хүрээнд Дулааны цахилгаан станц ТӨХК-аас дулааны эрчим хүчийг худалдан авч өөрийн эзэмшлийн шугам сүлжээгээр дамжуулан харъяа хэрэглэгчиддээ түгээдэг. 2025 оны байдлаар төвлөрсөн дулаанд холбогдсон 3610 өрх байна&nbsp;</p> <p>&nbsp;</p>

<p>Даланзадгад сум 2024 оны жилийн эцсийн байдлаар 11199 өрхийн&nbsp; 33133 хүн бүртгэгдсэн. Үүнээс гадаадад оршин суудаг 459 иргэн. </p>

<p>Өмнөговь аймгийн нийт хүн амын 96.8 хувь нь Даланзадгад сумын төвд амьдардаг, Аймгийн хэмжээнд уул уурхайн салбар эрчимтэй хөгжиж байгаа нь хүн амын шилжилт хөдөлгөөний тогтвортой байдал болон өсөлтөнд нөлөөлж байна.</p>

<p>Сумын хэмжээнд инженерийн бүрэн хангамжтай 33 орон сууцанд 691 өрх амьдарч байгаа бөгөөд бусад нь амины орон сууц, гэр сууцанд амьдарч байна.&nbsp;Даланзадгад сумын түрээсийн орон сууцанд 2020-2024 онуудад нийт 6 байранд 130 иргэн хамрагдсанаас Төрийн албан хаагч-47, Өндөр настан-30, залуу гэр бүл-11, өрх толгойлсон эцэг эх -12, хувийн байгууллагад ажиллагсад- 18, 0-18 насны 4 ба түүнээс дээш хүүхэдтэй гэр бүл- 5, хөгжлийн бэрхшээлтэй иргэн-7 байна.</p>

<p>Цэвэр усан хангамж, ариутгах шугам сүлжээнд холбогдсон сумын төвийн төрийн байгууллага 76 байна</p>

<p>Ерөнхий боловсролын 12 жилийн сургалттай 4-р бүрэн дунд сургууль</p> <p>Дунд сайханы 4-р багт байршилтай</p> <p>440 хүүхдийн хүчин чадалтай, одоогоор 1015 хүүхэд суралцаж байна</p> <p>53 багш, 29 ажилчинтай</p> <p>2007 онд ашиглалтанд орсон, тоосгон хийцтэй, сургалтын зориулалтын барилга.</p> <p>Инженерийн бие даасан хангамжтай.</p> <p>&nbsp;</p>

<p>24-р цэцэрлэг нь 1990 онд байгуулагдсан</p> <p>Даланзадгадын 3-р багийн нутаг дэвсгэрт үйл ажиллагаа явуулдаг.&nbsp;</p> <p>160 хүүхдийн хүчин чадалтай, одоогоор 263 хүүхэд хүмүүжиж байна</p> <p>16 багш, 14 ажиллагчидтай</p> <p>1990 онд ашиглалтанд орсон тоосгон хийцтэй, зориулалтын барилга.</p> <p>Инженерийн төвлөрсөн хангамжтай.</p> <p>&nbsp;</p>

<p>Даланзадгад сумын төвд 352 ортой Бүсийн Оношилгоо Эмчилгээний төв, 3 өрхийн эмнэлэг, 3 эм ханган нийлүүлэх төв, 23 эмийн сан, 19 хувийн эмнэлэг үйл ажиллагаа явуулж байна. Мөн 169&nbsp; их эмч, 151 эмнэлгийн сувилагч, 313 тусгай дунд мэргэжилтэн, бусад 178 ажилчид ажиллаж байна. 2024 онд 624 хүүхэд мэндэлж, 0-1 насны 9 хүүхэд эндэж, эхийн эндэгдэл гараагүй нийт 306433 хүнд үзлэг шинжилгээ хийж, 97 халдварт бус өвчлөл бүртгэгдсэн. Халдварт өвчин 848 бүртгэгдсэн байна.</p>

<p>Бүсийн Оношилгоо Эмчилгээний төв</p> <p>1931 онд байгуулагдсан</p> <p>Даланзадгадын 3-р багт байршилтай</p> <p>352 ортой Х.Шаравын нэрэмжит&nbsp; бүсийн оношлогоо эмчилгээний төв </p> <p>69&nbsp; эмч, 75&nbsp; сувилагч, 66&nbsp; тусгай мэргэжилтэн, бусад ажилчид 59 нийт 269&nbsp; ажиллагсадтай.</p> <p>&nbsp;</p>

<p>Хөгжимт жүжгийн театр нь 1959 онд Соёлын ордон гэсэн нэртэй байгуулагдсан. - 48 уран бүтээлч, ажиллагчидтай - 400 хүний суудалтай - Захиргаа, хөгжим, дуу, бүжиг, үйлдвэр зэрэг 5 ангитай. Номын сан нь 1944 онд байгуулагдсан. - 11 ажилчидтай - Уншлагын танхим нь 60 хүний суудалтай - Интернэт танхимтай - Гэрээр ном олгох зэрэг нийт 3 танхимтай. Музей нь 1948 онд байгуулагдсан.үзмэрийн 5 танхимтай.11 ажилчидтай.Төв буюу Түүх, Угсаатны зүй музей нь 2 том салбартай.Үүнд: - Тэмээний музей - Байгалийн музей Биеийн тамир спортын газар нь 1940 онд байгуулагдсан. - 15 ажиллагчидтай - 1 заал - бөхийн клуб үйл ажиллагаа явуулж байна. 2022 оны 7 дугаар сарын 1нд 850 хүний суудалтай шинэ театр нээлтээ хийсэн. Соёл спортын цогцолбор 2020 онд үйл ажиллагаа явуулж эхэлсэн 5 зас 25 метр урттай усан бассейн 380 хүний суудалтай кино танхимтай, Төв номын сан 3 давхар 1452м2 талбайтай нийтийн болон хүүхдийн, англи номын, багачуудын, гэр бүлийн, ганцаарчилсан, цахим номын гэсэн 5 танхим, соёл танин мэдэхүй, сургалтын арга хэмжээ зохион байгуулах чөлөөт орон зайтай нэг дор 150 уншигч хүлээн авах чадалтай номын сан 2025 онд үйл ажиллагаа явуулж эхлээд байна.</p>

<p>Байнгын ажил хөдөлмөр эрхлэгч 7174 иргэн, түр ажиллагч 855, өрхийн аж ахуй нэгжийн үйл ажиллагаа эрхлэгч 1589 иргэн байна</p>

<p>Даланзадгад суманд хөдөлмөрийн насны 15 дээш насны 9964 иргэн байдгаас эрэгтэй 4945, эмэгтэй 5019 байна.&nbsp; нийт&nbsp; ажилгүй 3702 иргэн . Үүнээс:</p> <p>727 иргэн идэвхитэйгээр ажил хайж байна</p> <p>&nbsp;</p>

<p>Даланзадгад сумын төв нь Засаг захиргаа-аж үйлдвэр, худалдаа-эрүүл мэнд, соёл боловсрол төвлөрсөн нийгмийн үйлчилгээний үүрэг давамгайлсан суурин юм. Сумын хөгжлийн ерөнхий төлөвлөгөөг 2006 онд хийсэн. Засаг захиргааны</p> <div>Сумын төвийн нутаг дэвсгэрийн бүсчлэлийн өнөөгийн байдал:</div> <div>барилга байгууламжийн дэвсгэр газар 152.06 га&nbsp;</div> <div>үйлдвэрлэлийн бүс 33.82 га&nbsp;</div> <div>ногоон байгууламж, мод үржүүлгийн талбай 438.5 га&nbsp;</div> <div>Зам шугам сүлжээний газар 526.17 га газар байна.&nbsp;</div> <div>2003 оноос&nbsp; газар өмчлөлийн хууль үе шаттайгаар хэрэгжиж үйл ажиллагаа явуулж байна. 2023 оны байдлаар 21000 иргэнд&nbsp; шинээр газар өмчлүүлсэн, мөн 1800 орчим иргэн хуучин эзэмшиж байсан газраа өмчилж авсан.&nbsp; Хайрхан, Зэгстэй зэрэг шинээр олгож байна. </div>

<p>ЗДТГ-ын барилга 1957 онд байгуулагдсан, тоосгон хийцтэй. Төвийн дулааны шугам сүлжээнд холбогдсон. Даланзадгадын 6-р багт байршилтай.</p> <p>Нийт үндсэн томилгоотой 58 албан хаагчтай бөгөөд үүнээс: Улс төрийн албан хаагч 12, Төрийн захиргааны албан хаагч 36, Төрийн үйлчилгээний албан хаагч 10, Босоо удирдлага бүхий: Мал эмнэлгийн газрын 2 албан хаагч, Байгаль орчны газар 1 албан хаагч, Захирагчийн ажлын алба Нийтлэг үйлчилгээний 19&nbsp;албан хаагч буюу нийт 80 төрийн албан хаагч нь Даланзадгад сумын 33133 иргэнд төрийн бодлого төлөвлөлт төрийн үйлчилгээг сумын иргэдийн эрх ашгийг&nbsp;дээдэлж&nbsp;хотын статустай болгож иргэн төвтэй сайн засаглалын бодлогыг хэрэгжүүлэн иргэддээ нээлттэй иргэдийн оролцоотой асуудлаа шийддэг байхад чиглэсэн алсын харааг тодорхойлж сум хотын иргэн&nbsp;бүрд&nbsp;төрийн үйлчилгээг чанартай түргэн шуурхай нээлттэй үргэлж манлайлагч байх зорилго тавин ажиллаж байна.&nbsp;</p> <p><strong>ДАЛАНЗАДГАД СУМЫН АМЖИЛТУУД</strong></p> <p><strong>&nbsp;</strong><strong>2016 он:</strong> Монгол Улсын түүхэнд анх удаа &ldquo;Монгол тэмээ-999&rdquo; арга хэмжээг зохион байгуулан, 1108 тэмээг уралдуулж дэлхийн дээд амжилтыг шинэчлэн тогтоож &ldquo;Геннисийн батламж&rdquo;-ийг авсан.</p> <p><strong>2018 он:</strong> Даланзадгад сумын 90 га талбайд хийгдэж буй Шинэ суурьшлын бүсийн цогцолбор бүтээн байгуулалт нь Монгол Улсын Ерөнхийлөгчийн зарлигаар &ldquo;Үндэсний бүтээн байгуулалтын дээд шагнал-Төрийн гэрэгэ&rdquo;-г хүртсэн.</p> <p><strong>2016, 2018-2020, 2022 он:</strong> 2015, 2017-2019, 2021, 2022 оны ажил үйлсээрээ аймгийн хэмжээнд тэргүүлж, &ldquo;Өмнөговь аймгийн Тэргүүний сум&rdquo;-аар шалгарсан.</p> <p>2024 онд&nbsp;Даланзадгад хот нь Монгол улсын Ерөнхийлөгчийн зарлигаар Төрийн дээд шагнал &ldquo;Алтан гадас&rdquo; одонгоор шагнагдаад байна.&nbsp;</p>

<p>Малын индексжүүлсэн даатгал төсөл</p> <p>Жижиг дунд үйлдвэрийг дэмжих төсөл</p> <p>Тогтвортой амжиргаа төсөл</p> <p>Хөдөлмөр эрхлэлтийг дэмжих сангийн төсөл</p> <p>&nbsp;</p>

<p>Даланзадгад сумын хөгжлийн зорилго нь иргэд, оршин суугчдын ажиллах, амьдрах таатай нөхцөл бүрдүүлэх, нийгмийн тулгамдаж буй асуудлуудыг шийдвэрлэх гарцуудыг тодорхойлох, эдийн засгийн түргэн хөгжих орчин бий болгох, эрүүл мэнд, боловсролын салбарт тулгамдаж буй сорилтуудыг хангахад оршино. Үүнд:</p> <p>Сумын сайн засаглалыг бэхжүүлэх</p> <p>Сумын эдийн засгийг хөгжүүлэх</p> <p>Сумын хүн ам зүй, нийгмийн хөгжлийг хангах</p> <p>Сумын хөдөө аж ахуй, байгаль орчины тогтвортой байдлыг хангах</p> <p>Сумын гадаад харилцааг сайжруулах</p> <p>Сумын аюулгүй байдлын бодлогыг хэрэгжүүлэх</p> <p>Сумын бүсчилсэн хөгжлийг сайжруулах</p> <p>&nbsp;</p>

<p>Аймагтаа хамгийн бага нутаг дэвсгэртэй, хамгийн олон хүн ам суурьшсан, газар нутгийн хувьд Ханхонгор сумын нутаг дэвсгэр дээр байрладаг боловч Өмнөговь аймгийн засаг захиргаа, нийгэм эдийн засгийн төв, аж үйлдвэрийн гол бүс юм.</p> <p>&ldquo;Говь гурван сайхан&rdquo; олон улсын нисэх буудалтай, цахилгаан холбоо болон үүрэн холбооны бүх сүлжээ орсон. Бүсийн оношилгоо эмчилгээний төвтэй. Тус аймгийн нутагт байгаа эрдэс түүхий эдийн баялгийг ашиглах, хайгуул хийх чиглэлтэй уул уурхайн төвлөрсөн төвүүд байдаг. Уул уурхайн ассоциацитай. Аялал жуулчлал хөгжих боломж өндөртэй сум юм.</p> <p>&nbsp;</p>

<p>Хөшөө дурсгалын нэр:&ldquo;Ажнай цогцолбор&rdquo; &nbsp;</p> <p>Байгуулагдсан он: 2011</p> <p>Хөшөө, дурсгалын намтар: Өмнөговь аймаг нь Говь шанхын хурдан хүлгийн угшилтай, олон хурдан хүлгүүдтэй нутаг юм. Ийнхүү Говь шанхын хурдан хүлгүүдийг билэгдсэн цогцолбор хөшөө юм.</p> <p>&nbsp;</p>

<p>Сумын хэмжээнд 1 хийд үйл ажиллагаагаа явуулж байна.</p> <p>Уг хийдэд нийт 23 лам хуврага, 4 энгийн ажилчин ажиллаж байна.</p> <p>&nbsp;</p>

<p>Мэргэжлийн сургалт үйлдвэрлэлийн төв</p> <p>Даланзадгадын 3-р багт байршилтай</p> <p>71 багш, ажиллагчидтай</p> <p>400 суралцагчдын хүчин чадалтай, одоогоор 21 мэргэжлээр 849 суралцагч суралцаж байна</p> <p>1963 онд ашиглалтанд орсон тоосгон хийцтэй, зориулалтын барилга.</p> <p>Инженерийн бие даасан хангамжтай. Тус цогцолбор нь Сургуулийн төв байр, Оюутны байр, Оюутолгой ХХК-ийн хөрөнгө оруулалтаар 4 мэргэжлийн дадлагын сургалтын байр, сурагчдын дотуур байр, Мянганы сорилтын сангийн Боловсролыг дэмжих төслийн хүрээнд 3 мэргэжлийн дадлагын байр барьж байна.</p> <p>&nbsp;</p>

<p>Хөгжимт жүжгийн театр</p> <p>Даланзадгадын 3-р багт байршилтай</p> <p>400 хүний суудалтай</p> <p>48 уран бүтээлч, ажиллагчидтай. 2022 оноос эхлэн 850 хүний суудалтай шинэ театр үйл ажиллагаа явуулж байна</p> <p>1959 онд ашиглалтанд орсон чулуун хийцтэй, зориулалтын барилга.</p> <p>Инженерийн төвлөрсөн хангамжтай.&nbsp;</p> <p>&nbsp;</p>